Azərbaycan Tibb Universitetinin Daxili xəstəliklər və endokrinologiya kafedrası Tədris Terapevtik Klinikanın Endokrinologiya şöbəsində, IX mərtəbədə yerləşir. Kafedranın əsası 1920-ci ildə qoyulmuşdur.

Şöbədə 15 palata və 30 çarpayı funksional fəaliyyətdədir  və bu günədək 2000-dən artıq stasionar və 5000-dən artıq ambulator xəstə müayinə  və müalicə olunmuşdur. Ölüm hadisəsi baş verməyib.

Şöbədə, xəstələr göstərilən diaqnozlara uyğun müayinə və müalicə almışdır (ŞD tip 2, ŞD tip 1, hipotireoz, şəkərsiz diabet, Addison krizi, piylənmə, hipopituitarizm, qeyritoksik təkdüyünlü ur, qeyritoksik diffuz ur, qeyritoksik çoxdüyünlü ur, tireotoksikoz, yarımkəskin tireoidit, autoimmun tireoidit, plevral maye, dəmirdefisitli anemiya, qalxanvari vəzin atrofiyası, ağciyərin pnevmoniyası absses ilə, revmatik polimialgiya, ağciyərlərin xroniki obstruktiv xəstəliyi, ağciyərlərin interstisial xəstəliyi (fibroz ilə), qonartroz,  ÜİX, hipertoniya xəstəliyi, xroniki xolesistitin kəskinləşməsi, xroniki qastritin kəskinləşməsi, revmatik qızdırma, müştərək mitral və trikuspidal qüsur, qaraciyərin sirrozu, bronxial astma, hipotoniya xəstəliyi və s.).

Şöbənin müalicə işləri və sanitar-gigiyenik vəziyyətə nəzarət, şöbənin tibbi heyəti hesabına həyata keçirilir.  Endokrinologiya şöbəsinin tibbi heyəti, həkim heyətindən (1 professor, 12 dosent , 12 assistent, 8 baş laborant və həkim rezidnetlər), orta və kiçik tibbi heyətdən (böyük tibb bacısı, təsərrüfat bacısı, 6 tibb bacısı və 6 xadimədən) ibarətdir.

Şöbə daxilində xəstələrin müayinə və müalicə məsələlərinin daha dolğun və düzgün həyata keçirilməsi üçün kafedra müdirinin, həkim dosentlərin, şöbə müdirinin razılığı ilə öncədən müəyyənləşdirilmiş günlərdə bütün xəstələrə konsultasiya və konsiliumlar  təşkil olunur.